Celebrities Gossip Showbiz

Rudina Dembacaj tregon se kur dëshiron të bëhet sërish mama!

Rudina Dembacaj njihet si një nga ato personazhe publike pa komplekse dhe që gjithmonë shprehin atë që mendojnë pa filtra. Aktorja nuk ngurron të ndaj momente nga jeta e saj personale gjithmonë dhe të përgjigjet ‘pa filtra’.

Shpesh, bukuroshja bën biseda ‘online’ me ndjekësit e saj në Instagram për të shuar kuriozitete që ata mund të kenë dhe te më i fundit, Rudina i është përgjigjur një prej pyetjeve që shumë kanë kureshtje. Bëhet fjalë se kur dëshiron aktorja të bëhet mama sërish dhe a është në planet e saj, e nuk ka munguar një përgjigje shumë e sinqertë si vetë ajo.

Kam, por pak më vonë

Me datë 1 tetor të vitit të kaluar, aktorja e njohur dhe shumë e pëlqyer nga publiku Rudina Dembacaj zhvilloi ceremoninë e shumëpritur të dasmës së saj. Bukuroshja u martua me ish-deputetin Mark Frroku. Kujtojmë se vetë ajo vendosi që ta bënte publike lidhjen e saj me anë të një postimi në rrjetin social Instagram në vitin 2020..

Rikujtojmë se, para pak kohësh e ftuar në “Pardon My French”, Rudina dha intervistën e saj të parë që nga dita e dasmës së saj. Aktorja gjithashtu, zbuloi dhe momentin më të bukur të festës që ishte pikërisht kurora para kishës. Gjatë intervistës, Rudina u përlot teksa shpjegoi veshjen e saj aq tradicionale sa edhe moderne gjatë kësaj dite të veçantë. Momenti më prekës ishte teksa flet për të atin.