SHBA-ja e ka bërë të qartë se nuk do të njohë një qeveri të udhëhequr nga talebanët nëse nuk respekton të drejtat e grave dhe vajzave dhe nuk përze terroristët. Pavarësisht historisë së gjatë të talebanëve të shtypjes së grave dhe sundimit të dorës së hekurt, zëdhënësi i Departamentit të Shtetit të SHBA, Ned Price, i kërkoi të udhëheqësve të rinj të Afganistanit të formojnë një qeveri gjithëpërfshirëse që kishte gra në të.
Sa i përket qëndrimit tonë ndaj çdo qeverie të ardhshme afgane, ajo do të varet nga sjellja e kësaj qeverie, nga sjellja e talebanëve.
Price citoi një deklaratë të Kombeve të Bashkuara që bënte thirrje për “një ndërprerje të menjëhershme të të gjitha armiqësive dhe krijimin, përmes negociatave gjithëpërfshirëse, të një qeverie të re, të bashkuar, gjithëpërfshirëse dhe përfaqësuese, përfshirë me pjesëmarrjen e plotë, të barabartë dhe kuptimplote të grave”.
Ndërkaq, një fotografi e pjesës së brendshme të një aeroplani që largohet nga Kabuli po përhapet me shpejtësi në rrjetet sociale. Bëhet fjalë për aeroplanin ushtarak amerikan US Air Force C-17, i cili, siç shkruan Defense One, fluturoi nga Kabuli të dielën. Sipas “Defense One”, e cila mori fotografinë nga zyrtarët ushtarakë, 640 persona ishin të grumbulluar në aeroplan, shumë herë më shumë se sa pritej.
Kompania gjigante Facebook nga ana tjetër ka konfirmuar se i konsideron talebanët një organizatë terroriste dhe për këtë arsye ndalon grupin dhe të gjithë përmbajtjen që e mbështet atë nga platformat e tij. Sipas medieve të huaja, kompania Facebook ka shprehur se ka një ekip të dedikuar ekspertësh afganë për të monitoruar dhe hequr përmbajtjen e lidhur me grupin.
