Premiera e planifikuar e sezonit të 13-të të “Wendy Williams Show” është shtyrë pasi moderatorja e njohur, Wendy Williams ka rezultuar pozitive me COVID-19. Shfaqja njoftoi diagnozën e Williams në llogarinë e saj zyrtare në Instagram.
Ndërsa vazhdonte vlerësimet e saj shëndetësore, Wendy ka rezultuar pozitive me COVID-19. Për t’i dhënë kohë Wend-t të karantinohet, të shërohet plotësisht dhe të sigurohet që prodhimi ynë të respektojë plotësisht protokollet SAG/AFTRA dhe DGA Covid, ne presim që të fillojmë sezonin e 13-të të “The Wendy Williams Show” të hënën, 4 tetor.
Rikujtojmë, se para disa ditësh u njoftua se prezantuesja 57-vjeçare e shfaqjes së njohur po merret me disa çështje shëndetësore sipas një postimi në mediat sociale. Si rezultat ajo nuk do të jetë në gjendje të përfundojë aktivitetet e saj promovuese javën e ardhshme, por mezi po pret të kthehet në karrigen e saj ngjyrë vjollce më 20 shtator për premierën e sezonit të 13-të.
Vitet e fundit, Williams ka pushuar pak nga puna për shkak të çështjeve të shëndetit, përfshirë sëmundjen e Graves, një çrregullim i sistemit imunitar që shkakton që tiroidja të bëhet tepër aktive, diçka për të cilën ajo u diagnostikua për herë të parë në 1999.
Rikujtojmë, se në vitin 2017, Wendy-t i ranë të fikët në TV drejtpërdrejt ndërsa xhiroi episodin e shfaqjes së Halloween, i cili i atribuohej dehidratimit. Vitin tjetër, shikuesit u shqetësuan nëse ajo po pësonte një goditje në tru sepse ngatërronte fjalët e saj në shfaqje. Ajo më vonë tha se ishte rezultat i ilaçeve kundër dhimbjeve që po merrte për një frakturë të shpatullës.
