Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Tech

“Të shpëtojnë Tokën, jo të gjejnë një vend tjetër për të jetuar”/Princ William i shqetësuar nga veprimet e Bezos dhe Musk!

“Të përpiqen të shpëtojnë këtë planet, jo të përpiqen të gjejnë një vend tjetër për të shkuar dhe jetuar”- këtë ka shprehur së fundmi Princ William për sipërmarrësit e mëdhenj Jeff Bezos dhe Elon Musk. Sipas princit, 2 miliarderët duhet të përqëndrohen në shpëtimin e Tokës, në vend që të angazhohen në turizmin hapësinor.

Ai gjithashtu paralajmëroi për një rritje të “ankthit klimatik” midis brezave të rinj. William foli për “BBC Newscast” para dhënies së çmimit Earthshot, për të shpërblyer ata që përpiqen të shpëtojnë planetin. Duke folur për garën aktuale në hapësirë dhe përpjekjen për të promovuar turizmin hapësinor, William tha:

Ne kemi nevojë për trutë dhe mendjet më të mëdha të botës të vendosur në përpjekjen për të riparuar këtë planet, duke mos u përpjekur për të gjetur vendin tjetër për të shkuar dhe jetuar. Është me të vërtetë thelbësore të përqëndrohesh në këtë planet, sesa të heqësh dorë dhe të nisesh drejt hapësirës për të provuar dhe menduar zgjidhje për të ardhmen.

Ditën e djeshme, aktori William Shatner u bë personi më i vjetër që shkoi në hapësirë, ndërsa hyri në bordin e kapsulës nën-orbitale ‘Blue Origin’ të krijuar nga miliarderi dhe themeluesi i ‘Amazon’, Jeff Bezos. William tha gjatë intervistës se ai nuk ka absolutisht asnjë interes për të shkuar në hapësirë, duke shtuar se kishte një pyetje themelore mbi koston e karbonit të këtyre fluturimeve.

Ai paralajmëroi se kishte “një rritje të ankthit për klimën midis të rinjve, e ardhmja e të cilëve në thelb kërcënohet gjatë gjithë kohës”. Princi e quajti këtë, diçka shumë shqetësuese. Duke qenë baba i tre fëmijëve, William u bëri thirrje të rriturve që të kujtojnë se sa e rëndësishme ishte për ta kur ishin fëmijë që të qëndronin jashtë dhe të mendojnë se çfarë po u vjedhin brezave të ardhshëm.

Rikujtojmë, se së fundmi, Princi William ka thënë se fëmijët duhet të frymëzohen me optimizmin, besimin dhe entuziazmin për të ndërtuar një të ardhme të qëndrueshme në një vizitë në Kew Gardens. Ai ishte në vendin e ngjarjes me gruan e tij Dukeshën e Kembrixhit, ku ata u takuan me fëmijët për të folur rreth kujdesit për planetin. Çifti mori pjesë në ngjarjen ‘Generation Earthsho’t me fëmijët nga Shkolla Heathlands në Hounslow për të gjeneruar ide për të shpëtuar planetin dhe për të ndezur një entuziazëm të qëndrueshëm për botën natyrore.