Gigi Hadid dhe Zayn Malik duket se tashmë janë ndarë pas gati gjashtë vitesh së bashku dhe një burim pranë tyre thotë se kjo ndodhi pas incidentit me nënën e Gigi-t, Yolanda Hadid. Burimi tha për “ET” se dyshja nuk janë më bashkë dhe kanë punuar miqësisht së bashku për të kuptuar se si të rrisin vajzën e tyre bashkë në mënyrën më të mirë të mundshme. Ky është prioriteti kryesor për të dy. Burimi pretendon se Yolanda po shfaqej vazhdimisht pa lajmëruar dhe e paftuar dhe kjo çoi në një tension mes tyre, të cilin Zayn u përpoq ta zgjidhte me partneren e tij.
Zayn ndjeu se Yolanda po hynte në mes të gjërave. Zayn dhe Gigi janë të dy shumë të përkushtuar për të punuar së bashku për të rritur Khai dhe ata e duan atë me gjithë zemër.
Së fundmi këngëtari i njohur Zayn Malik vendosi që t’i përgjigjej të gjitha akuzave që kanë filluar që të qarkullojnë në rrjet. Ai është akuzuar se ka goditur nënën e partneres së tij Gigi Hadid, Yolanda Hadid dhe këtë e kanë konfirmuar disa burime shumë pranë tyre, të cilët edhe janë shprehur për gazetën e njohur ‘TMZ’ se Yolanda pretendon se është goditur nga Zayn javën e kaluar dhe se po e merr shumë seriozisht pjesën e paraqitjes së një denoncimi në polici në lidhje me këtë çështje.
Nga ana tjetër, disa kohë më parë supermodelja ka dhënë një intervistë, ku ndër të tjera u pyet si po e përjeton mëmësinë dhe për mënyrën si Zayn po përshtatet me familjen e saj. Ajo shprehet se është “truri” i familjes në bisedat që bëhen me të gjithë pjesëtarët në darka familjare.
Lidhur me Zayn, Gigi shpjegon se ai e kishte paksa të vështirë fillimisht të përshtatej dhe të gjente fjalët e duhura në debatet e diskutimet e ndryshme. Megjithatë, tani duket se këngëtari ia ka dalë mbanë ta menaxhojë tepër mirë situatën.