Tina Turner u nda nga jeta javën e kaluar në moshën 83-vjeçare. Personazhet e njohur si Oprah Winfrey dhe King Charles i bënë homazhe këngëtares së famshme, ndërsa Beyonce performoi në skenë hitin e saj të njohur “River Deep, Mountain High”. Megjithatë, vdekja e këngëtares legjendare i ka rikthyer plagët e vjetra në lidhje me familjen e saj – plagë që me dëshpërim po përpiqeshin t’i shëronin.
Edhe pse vetë Tina duroi humbjen tragjike të djemve të saj biologjikë, Craig Turner dhe Ronnie Turner, para vdekjes së saj, djemtë e saj birësues, Ike Turner Jr. dhe Michael Turner, janë ende gjallë. Më tej, Tina ka lënë pas dy nipër e mbesa dhe pesë stërnipër, shumica e të cilëve nuk pati mundësi t’i takonte kurrë. Familja e saj aktualisht është në tronditje për vdekjen e saj të papritur, pasi shumë nuk ishin në dijeni të seriozitetit të sëmundjes së saj.
Gjatë pjesës së fundit të jetës së saj, Tina banoi në Zvicër me burrin e saj të dytë, Erwin Bach, në pasurinë e saj luksoze prej 76 milionë dollarësh të njohur si Villa Algonquin. Sa i përket pjesës së trashëgimisë, testamenti i Turner nuk është bërë ende publik, ndaj nuk dihet saktësisht se kush do ta trashëgojë pasurinë e saj. Turner ka shitur mbi 200 milionë disqe në mbarë botën, duke e bërë atë një nga artistet muzikore më të dëgjuar të të gjitha kohërave. Ajo ka fituar 12 çmime Grammy, duke përfshirë tetë çmime konkurruese, tre çmime Grammy Hall of Fame dhe një çmim Grammy Lifetime Achievement.
Turner zotëronte një numër pronash në mbarë botën. Pronat e saj më të shquara ishin një pronë prej 16 hektarësh në Zyrih, Zvicër, dhe një pronë prej 5 hektarësh në Küsnacht, Zvicër. Ajo gjithashtu zotëronte një shtëpi në Los Angeles, Kaliforni dhe një shtëpi në Monte Carlo. Ajo la pas një vlerë neto prej 250 milionë dollarësh.
