Edhe pse Shqipëria nuk ia doli dot të kualifikohet për në “Euro 2020”, futbollistët shqiptarë nuk do të mugojnë në kompeticionin më të rëndësishëm të futbollit evropian.
Janë 9 futbollistë shqiptarë me kombëtare të ndryshme që luajnë në këtë Europian.
Nga Zvicra si zakonisht janë ftuar: Granit Xhaka, Xherdan Shaqiri dhe Admir Mehmedi. Xhaka, Shaqiri dhe Mehmedi kanë përvojë nga kampionatet e kaluara, kurse Xhaka do të jetë kapiten i Helvetikëve.
Për herë të parë Maqedonia e Veriut është kualifikuar në Kampionatin Europian.
Gjashtë futbollistë shqiptarë janë të ftuar: Visar Musliu (Fehervar), Egzon Bejtulai (Shkëndija), Ezgjan Alioski (Leeds United), Arijan Ademi (Dinamo Zagreb), Enis Bardhi (Levante), Ferhan Hasani (Partizani).
Maqedonia e Veriut ndodhet në Grupin C, së bashku me Holandën, Austrinë dhe Ukrainën.
