Google u themelua në vitin 1998 nga shkencëtarët kompjuterikë Larry Page dhe Sergey Brin por a e dini se çfarë do të thotë në të vërtetë fjala? Me kalimin e kohës, marka është bërë shumë më tepër sesa thjesht një motor kërkimi, pasi kompania operon gjithashtu shërbime si Gmail, YouTube dhe shumë të tjera. Emri Google në fakt vjen nga një gabim drejtshkrimor i fjalës “Googol”, një numër i shkruar si 1 i ndjekur nga 100 zero.
Ky emër u zgjodh për të pasqyruar misionin e Larry dhe Sergey për të organizuar informacionin e botës dhe për ta bërë atë të qasshëm dhe të dobishëm universalisht dhe para kësaj, Google quhej Backrub. Megjithatë, disa përdorues besojnë se Google është në të vërtetë një akronim për “Organizata Globale e Gjuhës së Grupit të Orientuar të Tokës”, por ende nuk ka prova të mjaftueshme për këtë.
Google deklaroi së fundmi do të ndërtojë një kabllo me fibër optike për të lidhur Afrikën dhe Australinë. E quajtur Umoja (një fjalë që do të thotë “unitet”), njëri skaj i kabllos do të fillojë në Kenia dhe do të kalojë përmes Ugandës, Ruandës, Republikës Demokratike të Kongos, Zambisë, Zimbabvesë dhe Afrikës së Jugut.
Google thotë se projekti është krijuar për të rritur lidhjen digjitale, përshpejtuar rritjen ekonomike dhe thellimin e qëndrueshmërisë në të gjithë Afrikën. Përveç vetë kabllos, kompania thotë se do të punojë me qeverinë keniane për të rritur sigurinë kibernetike, inovacionin e drejtuar nga të dhënat, përmirësimin digjital dhe vendosjen e AI me përgjegjësi dhe siguri.
Ndërkaq, rikujtojmë se Google Maps ka prezantuar një funksion të ri që e thjeshtëson navigimin, funksionin “You”. Siç raportohet, “You” është vendi ku gjenden ndryshimet më të rëndësishme, udhëtimet e ruajtura dhe ato që doni t’i realizoni. Gjithashtu, kompania ka përmendur edhe ndryshime të tilla si ngjyra të reja që e bëjnë më të lehtë gjetjen e vendeve në hartë.
Ndërsa për drejtuesit e automjeteve elektrike, Google Maps ka filluar të shfaqë një përvojë që i dedikohet stacioneve të karikimit. Duke e zgjedhur llojin e automjetit të tyre, tani përdoruesit me lehtësi mund të gjejnë stacionet e karikimit në afërsi. Bëhet e ditur se me këto përditësime të vazhdueshme dhe veçori që pritet të vijnë, Google Maps vazhdon të evoluojë duke u ofruar përdoruesve një përvojë më të mirë.
