Dua Lipa dhe Callum Turner morën pjesë së bashku në një ngjarje ekskluzive në Paris, ku u shfaqën të dashuruar dhe të lumtur gjatë lansimit të koleksionit “Tiffany Titan” të Pharrell Williams.
Këngëtarja 29-vjeçare dhe aktori 34-vjeçar shfaqën një lidhje të ngrohtë dhe të afërt, duke pozuar me adhurim për kamerat dhe duke shëtitur dorë për dore gjatë eventit.
Dua shkëlqeu me një fustan të zi të ngushtë, që theksonte linjat e saj trupore, ndërsa Callum kishte zgjedhur një veshje të zezë elegante, duke u kombinuar perfekt me partneren e tij. Këngëtarja kishte flokët e drejta dhe të lëmuara, dhe e kishte përmbyllur dukjen me aksesorë të thjeshtë, duke përfshirë një byzylyk të trashë të artë dhe vathë të gjatë.
Çifti ishte shumë i afërt gjatë gjithë mbrëmjes, madje morën pjesë në një festë pas ngjarjes, të organizuar nga Lenny Kravitz. Ata kaluan një kohë të këndshme bashkë, duke u ulur pranë njëri-tjetrit dhe duke u larguar të kapur për dore.
Në këtë ngjarje morën pjesë edhe shumë të ftuar të tjerë të famshëm, si Anya Taylor-Joy, Rosie Huntington-Whiteley dhe Ashley Graham, që shfaqën stile të ndryshme dhe mahnitëse. Pharrell Williams gjithashtu ishte i pranishëm, por kishte zgjedhur një veshje më të thjeshtë dhe më casual për këtë ngjarje.
Përpara këtij eventi, Dua dhe Callum u panë duke kaluar momente romantike nën Kullën Eiffel, ku këngëtarja shfaqi unazën e saj të fejesës. Ata dukeshin shumë të lumtur, duke vallëzuar së bashku dhe shijuar çdo moment të pranisë së njëri-tjetrit.
Dua dhe Callum, të cilët u panë për herë të parë së bashku në janar 2024, u fejuan në fund të vitit të kaluar. Miqtë e çiftit thonë se ata janë shumë të lumtur dhe të magjepsur pas njëri-tjetrit, duke pritur me padurim martesën e ardhshme. Gjatë mbrëmjes, Dua u pa duke e puthur Callumin dhe duke bërë selfie me të, ndërsa shijonin atmosferën romantike në Paris.
Përpara ngjarjes, çifti kishte darkuar në një restorant të njohur me yll Michelin, duke shijuar një mbrëmje të qetë dhe elegante. Ata janë aktualisht në Paris për Javën e Modës, ku Dua Lipa ishte prezente në shfaqjen e Chanel, ndërsa Callum mori pjesë në disa evente të tjerë të modës.
