Honor filloi të jepte informacione paraprake për modelet e përfolura 400 dhe 400 Pro disa ditë më parë, me një lançim që duket se do të zhvillohet në Malajzi. Marka është rikthyer me një tjetër njoftim paraprak. Pra, Honor 400 dhe 400 Pro bëhen zyrtarë më 22 maj. Ende nuk është e qartë se ku do të zhvillohet ngjarja e lançimit, por padyshim që marka do ta ndajë këtë informacion së shpejti. Ndërsa bazuar në thashethemet e mëparshme, ja çfarë mund të prisni nga këto dy pajisje.
Honor 400 thuhet se do të vijë me një ekran AMOLED 6.55 inç me shpejtësi rifreskimi 120 Hz dhe shkëlqim maksimal prej 5,000-nit, procesorin Snapdragon 7 Gen 3 SoC në krye, 8GB RAM, 256/512GB hapësirë ruajtjeje, një kamerë kryesore 200 MP, një kamerë ultra të gjerë 12 MP, një kamerë selfie 50 MP dhe një bateri 5,300 mAh me mbështetje për karikim me tel 66W.
Nga ana tjetër, Honor 400 Pro duhet të ketë një ekran OLED 6.7 inç 1080×2412 me shpejtësi rifreskimi 120 Hz dhe shkëlqim maksimal prej 5,000-nit, procesorin Snapdragon 8 Gen 3 SoC që e fuqizon, 12 GB RAM, 512 GB hapësirë ruajtjeje, një kamerë kryesore 200 MP me OIS, një ultra të gjerë 12 MP. Ky model do të ketë gjithashtu një bateri 5,300 mAh, por do të ketë mbështetje për karikim me tel 100W. Çmimi i përfolur në BE është 499 € për 400 dhe 799 € për 400 Pro.
Ndërkaq, HMD dhe Lava do të prezantojnë smartfonë që do të ofrojnë transmetim televiziv pa pasur nevojë për internet ose Wi-Fi. Pajisjet do të prezantohen gjatë Samitit Botëror Audio-Vizual dhe Argëtim (WAVES) 2025, i cili do të zhvillohet midis 1 dhe 4 majit në Qendrën Botërore të Konventave Jio në Mumbai, Indi. Teknologjia quhet Direct-to-Mobile (D2M) dhe lejon që telefoni të marrë një sinjal dhe të transmetojë përmbajtje multimediale pa pasur nevojë për një lidhje celulare ose wireless-i.
