Honor filloi të jepte informacione paraprake për modelet e përfolura 400 dhe 400 Pro disa ditë më parë, me një lançim që duket se do të zhvillohet në Malajzi. Marka është rikthyer me një tjetër njoftim paraprak. Pra, Honor 400 dhe 400 Pro bëhen zyrtarë më 22 maj. Ende nuk është e qartë se ku do të zhvillohet ngjarja e lançimit, por padyshim që marka do ta ndajë këtë informacion së shpejti. Ndërsa bazuar në thashethemet e mëparshme, ja çfarë mund të prisni nga këto dy pajisje.
Honor 400 thuhet se do të vijë me një ekran AMOLED 6.55 inç me shpejtësi rifreskimi 120 Hz dhe shkëlqim maksimal prej 5,000-nit, procesorin Snapdragon 7 Gen 3 SoC në krye, 8GB RAM, 256/512GB hapësirë ruajtjeje, një kamerë kryesore 200 MP, një kamerë ultra të gjerë 12 MP, një kamerë selfie 50 MP dhe një bateri 5,300 mAh me mbështetje për karikim me tel 66W. Nga ana tjetër, Honor 400 Pro duhet të ketë një ekran OLED 6.7 inç 1080×2412 me shpejtësi rifreskimi 120 Hz dhe shkëlqim maksimal prej 5,000-nit, procesorin Snapdragon 8 Gen 3 SoC që e fuqizon, 12 GB RAM, 512 GB hapësirë ruajtjeje, një kamerë kryesore 200 MP me OIS, një ultra të gjerë 12 MP.
Honor ndërkaq ka njoftuar një risi të fuqishme që do të debutojë me serinë e re të telefonave Honor 400 dhe Honor 400 Pro. Bëhet fjalë për funksionin “Foto në Video” me inteligjencë artificiale, i zhvilluar në bashkëpunim me Google Cloud. Ky funksion u lejon përdoruesve të shndërrojnë fotografitë statike në video të shkurtra të gjeneruara nga AI, duke sjellë në jetë kujtimet e vjetra. Gjithçka do të jetë e integruar në aplikacionin “Gallery”, ku përdoruesit do të gjejnë ikonën “AI Image to Video” në krye të ekranit.
Honor synon që seria 400 të jetë “telefoni më i mirë me kamera AI në segmentin e tij të çmimit”. Ky është një hap i rëndësishëm, pasi për herë të parë një prodhues smartphone-sh ofron një funksion të tillë pa pasur nevojë për aplikacione të jashtme. Telefoni pritet të prezantohet më 22 maj në një ngjarje zyrtare në Londër, ku do të zbulohen modelet standarde dhe Pro. Gjithashtu, Honor mund ta sjellë këtë funksion edhe në modelet flagship si Magic7 Pro dhe Magic V3 në të ardhmen.
