Një avion indonezian që transportonte dhjetë persona, përfshirë shtatë anëtarë të ekuipazhit dhe tre pasagjerë, u zhduk sot në provincën Sulawesi Jugor, siç njoftoi Ministria e Transportit, referuar agjencisë shtetërore të lajmeve ANTARA.
Raportohet se mjeti fluturues i llojit “ATR 42-500” dhe i operuar nga kompania ajrore “Indonesia Air Transport”, humbi kontaktin në rrethin Maros.
Një post i Agjencisë Kombëtare të Kërkim-Shpëtimit (Basarnas) është ngritur pranë vendndodhjes, bëri të ditur Lukman F. Laisa, zyrtar i ministrisë.
Drejtoria e Përgjithshme e Aviacionit Civil mori një raport fillestar për humbjen e kontaktit me avionin e regjistruar PK-THT, që ishte nisur nga Yogyakarta drejt Makassarit.
Informacionet paraprake tregojnë se kushtet e motit përfshinin pamje rreth tetë kilometra, me qiell pjesërisht të vranët.
Detaje të mëtejshme janë ende duke u koordinuar me Agjencinë e Meteorologjisë, Klimatologjisë dhe Gjeofizikës (BMKG), shtoi zyrtari.
Drejtoria e Përgjithshme e Aviacionit Civil njoftoi se po vazhdon koordinimin e ngushtë me autoritetet përkatëse dhe do të ofrojë përditësime të rregullta sapo të jenë të disponueshme informacione zyrtare.
