Një personalitet i radios me bazë në Australi, theu një rekord botëror Guinness duke zhvilluar një emision i cili zgjati për 55 orë e 26 minuta. Mario Bekes, i cili ka origjinën nga Kroacia, e zhvilloi emisionin e tij maratonë në Alive 90.5 FM, një stacion radioje në të cilin ai punon nga viti 2009. Bekes, i cili gjithashtu drejton podkastin motivues “Life: The Battlefield”, nuk u lejua të përfshijë muzikë, reklama ose thirrje nga publiku duke e bërë atë që ai tha për Rekordet Botërore të Guinness-it të ishte një shfaqje radioje shumë e pazakontë.
Transmetimi i gjatë përfshiu intervista me disa mysafirë dhe ofrimin e këshillave tek audienca. Një doktor ishte pranë për të monitoruar shëndetin e Bekes gjatë kësaj përpjekjeje të thyerjes së rekordit. Koha e shfaqjes prej 55 orë e 26 minuta i dha Bekes rekordin për transmetimin më të gjatë të drejtpërdrejtë vetëm me audio, një rekord i vendosur më parë në 53 orë e 1 minutë nga drejtuesit e radios britanike Matt Hall dhe Dan Ramsden në vitin 2020.
