Incident në orët e para të mëngjesit në mbledhjen e Komisionit kuvendor për Çështjet Europiane. Deputetët e PD-së, Oerd Bylykbashi, Saimir Korreshi e Lefter Gështenja kanë kërkuar që mbledhja të mbyllet, duke mos lejuar që të vazhdojë.
Në këtë komision po diskutohej miratimi i i Kalendarit të Komisionit për shqyrtimin e Paketës Fiskale e të projektligjit “Për Buxhetin e vitit 2024”
Gjatë zhvillimit të mbledhjes, deputetët ndërhynë duke përplasur duart mbi tavolinë ndërsa kanë ngritur edhe zërin.
Jashtë sallës, në korridoret te Kryesia e Kuvendit, pati një përplasje mes dy deputetëve të opozitës. Kreshnik Çollaku akuzoi Dashnor Sulën se e ka goditur me dosje e ndërhynë efektivët e Gardës së Republikës për të shmangur një konfrontim të mëtejshëm.
Deputeti Kreshnik Çollaku paralajmëroi Sulën se do të bënte kallëzim penal ndaj tij.
Debati:
Sula iu referua Çollakut me fjalën “dele”, pasi nuk u largua nga salla.
“Jeni bë dele o Niku”, i thotë Sula deputetit.
“Nuk e bën Ina Ramën presidente”, i kthehet Çollaku.
Sula: Unë e kam bërë dhe jam krenar, o kokrra… mos them ndonjë gjë tjetër.
Pas daljes nga mbledhja, Çollaku i drejtohet ashpër, ndërsa e akuzon se e goditi.
Çollaku: Bëj punën tënde, të foli njeri? Mos bëj si trim o Dash, e di unë ça je, jo më mu…
Sula: Ik tashi!
Çollaku: Të bëj kallëzim penal. Palaço, servil, legen!
Sula: Faleminderit!
Çollaku: Legen!
Sula: Vazhdo vazhdo… Ai më shan unë asgjë..
Çollaku: Deputeti qëllon deputetin…
Sula: Ku të qëllova o mashtrus?
Çollaku: Servil, palaço! Bën si demokrat opozitar e në darkë të çon mesazhe. Ku i ke tenderat?
Sula: O mashtrus!
