Sapo fillon shiu, na vjen dëshira të futemi nën batanije dhe të flemë gjumë. Tingujt e shiut, qielli i errët dhe lagështia na bëjnë të ndjehemi të lodhur dhe të përgjumur. Por pse ndodh kjo? Tingulli i pikave të shiut është një lloj zhurme e butë që quhet “zë rozë”. Kjo zhurmë është e lehtë për veshin dhe na ndihmon të relaksohemi, ashtu si tingujt e detit ose fëshfërima e gjetheve. Trupi ynë e ndjen këtë qetësi dhe përgatitet për gjumë është si një ninullë natyrale.
Kur bie shi, qielli mbulohet me re dhe bëhet më i errët. Kjo bën që trupi ynë të prodhojë më pak serotoninë, një hormon që na jep energji dhe na përmirëson humorin. Në të njëjtën kohë, rritet prodhimi i melatoninës, që është hormoni i gjumit. Kështu, trupi ynë mendon se është kohë për të fjetur. Shiu sjell lagështi në ajër. Kur ka shumë lagështirë, ajri bëhet më i rëndë dhe mushkëritë tona duhet të punojnë më shumë për të marrë oksigjen. Kjo na lodh më shpejt dhe na bën të ndihemi pa energji.
Pavarësisht nëse jeni një nga ata njerëz që e duan shiun apo jo, nuk ka dyshim se zhurma e pikave që bien tenton t’ju japë një ndjenjë qetësie dhe paqeje. Por pse po ndodh kjo? Sipas Marian Rizkallah, muzikoterapist dhe drejtor i North London Music Therapy, përgjigja ka të bëjë shumë me vetitë ritmike të shiut.
Ashtu si muzika ndikon si në pjesët autonome ashtu edhe në limbike të sistemit tonë nervor (të cilat kujdesen respektivisht për rrahjet e zemrës dhe emocionet tona), kështu tingulli i qëndrueshëm dhe i parashikueshëm i shiut mund të ndihmojë në rregullimin e përgjigjeve të sistemit tonë nervor. Truri ynë mësohet shpejt me ritmin e shiut. Tingulli nuk është shumë i lartë ose vjen me surpriza të mëdha dëgjimore, gjë që e bën atë shumë miqësor ndaj trurit.
