Bashkëkryetari i koalicionit “Nisma-Shqipëria bëhet”, Adriatik Lapaj, zhvilloi një takim me diasporën në Londër ku shpalosi programin qeverisës të këtij koalicioni në zgjedhjet parlamentare të 11 majit.
Në fjalën e tij, Lapaj përmendi realizimin e votimit për shqiptarët që jetojnë jashtë Shqipërisë, si një nga arritjet e kësaj force politike.
LEXO EDHE: Adriatik Lapaj në Ballsh: Ligji për referendumet i rëndësishëm për të ndalur padrejtësitë
Ai tha se qëllimi i koalicionit është kthimi i Shqipërise në një republikë të ligjit. Duke bërë thirrje të mos shesin votën, Lapaj tha se qëllimi i koalicionit është çarja e sistemit që ka bllokuar garën.
LEXO EDHE: Lapaj, Soko dhe Shabani takim me zëvendëskryeministrin e RMV
“Ne duam ta vëmë theksin te reformimi i sistemit juridik. Ne do të vëmë kushtet tona, hapjen e ligjit zgjedhor, sepse sot sistemi është i mbyllur, në duart e kryetarëve të partive politike”, tha kryetari i Lëvizjes “Shqipëria Bëhet”.
