Aktorja Zoe Saldaña ka nisur një mbështetje financiare të konsiderueshme për familjen e James Van Der Beek, pas ndarjes së tij nga jeta në moshën 48-vjeçare. Emri i saj u shfaq mes donatorëve në faqen GoFundMe të hapur për familjen e aktorit, ku Saldaña ka vendosur një kontribut mujor prej 2,500 dollarësh. Mes donatorëve të tjerë të njohur janë edhe Derek Hough, Lydia Hearst dhe Ricki Lake.
Van Der Beek kishte bërë të ditur në nëntor 2024 se ishte diagnostikuar me kancer kolorektal në stadin III. Lajmi për vdekjen e tij u njoftua më 11 shkurt përmes një deklarate në Instagram, ku familja theksoi se ai u nda nga jeta në paqe, i rrethuar nga besimi dhe kurajoja. Aktori la pas bashkëshorten, Kimberly Van Der Beek, dhe gjashtë fëmijët e tyre. Sipas përshkrimit në GoFundMe, familja është përballur me vështirësi të mëdha financiare pas mbulimit të kostove mjekësore dhe aktualisht po përpiqet të qëndrojë në shtëpinë e saj në Teksas, ndërsa përballet me një të ardhme të pasigurt.
James Van Der Beek, i cili u bë i dashur për një brez shikuesish televizivë si ylli i serialit dramatik “Dawson’s Creek”, ka ndërruar jetë në moshën 48-vjeçare. “Ai i kaloi ditët e tij të fundit me guxim, besim. Ka shumë për të ndarë në lidhje me dëshirat e tij, dashurinë për njerëzimin dhe shenjtërinë e kohës. Ato ditë do të vijnë.Për momentin kërkojmë privatësi paqësore ndërsa vajtojmë bashkëshortin, babain, djalin, vëllain dhe mikun tonë të dashur”, shkroi gruaja e tij Kimberly.
