Në emisionin “Goca dhe Gra”, ajo rrëfeu se gjithçka nisi me një takim të rastësishëm në një restorant, ku Kamberi i kërkoi një foto. Që nga ajo kohë, sipas Bejkos, ai nisi të tregonte sjellje obsesive dhe deluzionale, duke e kontaktuar në rrjete sociale dhe madje edhe në numrin e saj personal.
Kam marrë mesazhe dhe telefonata, duke mos ditur me kë kam të bëj. I kam kërkuar të më lërë të qetë sepse nuk kisha asnjë interes. Por mesazhet obsesive vazhdonin dhe ai pretendonte se ishte i lidhur me mua
-tregoi moderatorja.
Ajo shtoi se periudha më intensive e përndjekjes ka qenë nga qershori i vitit të kaluar deri kohët e fundit, duke e detyruar të telefononte policinë.
Për herë të parë, Albana Bejko shfaqi mesazhet që Kamberi i kishte dërguar, ku i shprehte se ai ishte “burri i tij i ëndrrave”, se e donte shumë dhe dëshironte të martohej me të.
Një moment i frikshëm sipas saj ka qenë kur personi u afrua në ambientin e punës dhe i kërkoi të uleshin për një kafe.
Moderatorja tregoi se për shkak të kësaj situate, ajo ka ndryshuar stilin e jetesës dhe ka mbajtur një qëndrim vigjilent për të siguruar mbrojtjen e saj.
Deklaratat e saj kanë ngjallur shqetësim dhe vëmendje mbi rastet e përndjekjes nga individë të njohur ose të fuqishëm.
