Modelja e njohur botërore Bella Hadid ka treguar sfidat e saj personale dhe profesionale gjatë një interviste për Vogue Italia, duke folur hapur për betejën 14-vjeçare me sëmundjen kronike neurologjike Lyme.
Forma në të cilën punova për shumë vite nuk ishte e qëndrueshme. Edhe gjatë COVID-it vazhdova të punoja
-tha 29-vjeçarja, duke shtuar se tani gjen kënaqësi të vërtetë duke kaluar kohë në Texas me kuajt dhe qenin e saj, para se të kthehet në punë.
Hadid pranoi se kishte mësuar të thoshte “jo” ndaj projekteve që nuk përfshinin njerëzit që ajo i do, i beson dhe i respekton.
Më duhej të thoja ‘jo’ për pothuajse një vit të tërë gjatë trajtimit tim, dhe qava për këtë. Ishte e vështirë sepse ndihesh i përdorshëm
-rrëfeu ajo.
Në një mesazh prekës në Instagram më 18 shtator, nëna e saj, Yolanda Hadid, e quajti të bijën “bada/ warrior” dhe lavdëroi guximin e saj për të luftuar për shëndetin pavarësisht pengesave dhe trajtimeve të pafundme.
Ajo shtoi:
Nuk je vetëm. Unë do të jem gjithmonë pranë teje, pa marrë parasysh sa kohë duhet.
Bella tregoi gjithashtu se nuk do të ndryshonte asgjë nga përvoja e saj e vështirë:
Nëse do të duhej ta kaloja gjithçka sërish për të arritur këtu, në këtë moment, me ju të gjithë, të shëndetshme, do ta bëja sërish. Kjo më bëri atë që jam sot. Universi punon në mënyra të dhimbshme dhe të bukura, por nëse po vuani, do të bëhet më mirë. Premtoj.
Përveç sfidave shëndetësore, Hadid menaxhon edhe kompaninë e saj të parfumeve pa alkool, Ôrəbella, e cila u lançua në vitin 2024.
Ajo është pjesë e listës së gjatë të VIP-ave që përballen me Lyme disease, duke përfshirë Justin Timberlake, Shania Twain, Justin Bieber, Avril Lavigne dhe shumë të tjerë.
Ky rrëfim i hapur nxjerr në pah jo vetëm forcën e modeles, por edhe rëndësinë e balancës mes karrierës dhe jetës personale, dhe aftësinë për të vendosur kufij për mirëqenien e saj.
