Brad Pitt ka treguar se ka kaluar 36 orë pa gjumë nga emocionet dhe adrenalina, pasi drejtoi një makinë McLaren të Formula 1 gjatë xhirimeve të filmit më të ri, “F1: The Movie”.
Aktori 60-vjeçar, i njohur për rolet e tij të fuqishëm, po përgatitet të rikthehet në ekran me një projekt ambicioz të vendosur në botën reale të garave të Formula 1.
Filmi, i cili është xhiruar në pista prestigjioze si Silverstone, Monza dhe Abu Dhabi, sjell historinë e një legjende të F1 që rikthehet në pistë, me Pitt në rolin kryesor dhe Damson Idris si piloti i ri në ngjitje.
Adrenalina nuk më linte të qetësohesha. Ishte një nga përvojat më intensive të jetës sime
-tha Pitt, duke shtuar se aktorët kaluan një trajnim të rreptë dhe drejtuan makina F2 të modifikuara, për të përjetuar në maksimum realitetin e garës.
Në kastin e filmit përfshihen edhe Javier Bardem dhe Kerry Condon, ndërsa pjesë e prodhimit janë emra të mëdhenj si Jerry Bruckheimer dhe Lewis Hamilton, i cili garanton vërtetësinë teknike të projektit.
Filmi, me një buxhet që thuhet se kalon 300 milionë dollarë, premton një përvojë vizuale të jashtëzakonshme, që kombinon aksionin e garave reale me emocionin e kinemasë.
