Adele ka treguar se pasioni i saj për sportin po bëhet gjithnjë e më i dukshëm. Pas paraqitjes së saj në garën e Formula 1 javën e kaluar, këngëtarja britanike është fotografuar këtë herë duke mbështetur kombëtaren e Anglisë përpara një prej ndeshjeve më të rëndësishme të Kupës së Botës.
Artistja 38-vjeçare u pa në Sardenjë, ku po kalon pushimet, e veshur me fanellën zyrtare të Anglisë me numrin 5, që i përket mbrojtësit John Stones.
Adele shoqërohej nga stilisti i njohur Tom Ford, ndërsa shëtiste në ishullin italian vetëm pak ditë para gjysmëfinales së shumëpritur mes Anglisë dhe Argjentinës.
Pamja e saj tërhoqi vëmendje jo vetëm për fanellën e “Three Lions”, por edhe për aksesorët luksozë. Këngëtarja mbante me vete një çantë Hermès Birkin, ndërsa shfaqej e buzëqeshur dhe e relaksuar gjatë pushimeve në Mesdhe.
Përveç jetës personale, Adele pritet të nisë edhe një sfidë të re në karrierën e saj. Sipas raportimeve, ajo do të bëjë debutimin si aktore në filmin e ardhshëm të Tom Ford, “Cry to Heaven”, i bazuar në romanin me të njëjtin titull të Anne Rice.
Në këtë projekt, këngëtarja do të interpretojë përkrah aktorëve të njohur Nicholas Hoult, Aaron Taylor-Johnson, Colin Firth, Paul Bettany dhe Owen Cooper.
Filmi zhvillohet në Venecian e shekullit XVIII dhe rrëfen historinë e dy këngëtarëve “castrati”, artistë të operës që u bënë figura të njohura të kohës.
Dalja e saj në Sardenjë vjen vetëm pak ditë pasi Adele u shfaq në Çmimin e Madh të Britanisë në Formula 1, ku zbuloi edhe pasionin e saj për këtë sport.
Në atë rast ajo mbështeti kampionin e vitit 2025, Lando Norris, duke veshur fanellën e McLaren, të kombinuar me një varëse ku shkruhej “Mummy”, një detaj që fansat e interpretuan si një dedikim për djalin e saj, Angelo.
