Britney Spears ka ngritur përsëri pikëpyetje dhe shqetësim mes fansave, pasi postimet e saj të fundit në rrjetet sociale duket se pasqyrojnë një gjendje të brishtë emocionale.
Këngëtarja, e cila për vite me radhë ka qenë nën kujdestarinë e babait të saj, një periudhë që ajo vetë e ka përshkruar si tejet traumatikе, duket se ende po përballet me pasojat psikologjike të asaj kohe.
Në muajt e fundit, llogaria e saj në Instagram është mbushur me video dhe mesazhe enigmatike që shpesh interpretohen si thirrje të tërthorta për ndihmë apo si reflektime të dhimbshme mbi të kaluarën.
Fundjavën e kaluar, Britney publikoi një tjetër seri postimesh që tërhoqën menjëherë vëmendjen e publikut.
Në një nga videot, ajo shfaqet duke kërcyer me një fustan me print leopard dhe me taka të zeza, ndërsa në përshkrim bën një koment të lehtë për pamjen e saj:
Më pëlqeu si dukesha me atë rrobë banje… duhet t’i gjej ato këpucë, Mary Jane.
Megjithatë, pas kësaj paraqitjeje të dukshëm të padëmshme, erdhi një postim shumë më i gjatë dhe emocional.
Në mesazhin, i cili u fshi disa orë më vonë, Britney shkruante për humbjen, dhimbjen dhe momentet kur vuajtja të detyron të shohësh jetën me një sy tjetër.
Ajo fliste për “errësirën” që e ka shoqëruar dhe për përpjekjen e saj për të gjetur “gruan brenda vetes”, duke krijuar përshtypjen se ndodhet në një proces të fortë vetë-reflektimi dhe rindërtimi emocional.
Në përfundim të shkrimit, këngëtarja u mundua ta zbusë tonin me pak humor, duke iu referuar Ditës së Falënderimeve dhe duke pranuar me shaka se kishte “tepruar me ushqimin”.
Edhe pse teksti u fshi, videoja mbeti e publikuar, çka bëri që shumë ndjekës të komentonin të shqetësuar.
Fansat e saj, të cilët prej kohësh ndjekin me vëmendje çdo lëvizje të Britney-t, po shprehin sërish frikën se ajo nuk është ende emocionalisht e qëndrueshme, pavarësisht lirisë ligjore që fitoi pas përfundimit të kujdestarisë.
Postimet e shpeshta, të paqarta dhe me tone të errëta po shtojnë dilemat rreth gjendjes së saj të vërtetë psikologjike.
