Kur kanceri përhapet në trup, pacientët mund të përjetojnë simptoma që përkeqësohen çdo ditë, shpesh më shumë në mëngjes.
Metastazat e kancerit, që tregojnë se kanceri primar është përhapur në pjesë të tjera të trupit, mund të shfaqen përmes disa simptomave të dukshme që janë të pranishme në orët e para të ditës.
Ekspertët identifikojnë tre simptoma kryesore të kancerit që janë më të shpeshta në mëngjes. Një nga këto simptoma është lodhja, e cila është shumë e zakonshme tek pacientët me kancer dhe shpesh konsiderohet si simptoma më shqetësuese.
Sipas studimeve, lodhja e shkaktuar nga kanceri mund të ndikojë si fizikisht, ashtu edhe emocionalisht dhe mendërisht, pasi qelizat kancerogjene “vjedhin” lëndët ushqyese të trupit, duke e lënë atë të pafuqishëm për t’u rikuperuar.
Një tjetër simptomë e zakonshme është nauzea (të përzierat), e cila shpesh tregon praninë e metastazave, sidomos në rastin e tumoreve të trurit, mëlçisë dhe organeve gastrointestinale.
Të përzierat dhe të vjellat janë veçanërisht të dukshme tek pacientët me kancer të avancuar, dhe ndodhin shpesh pas zgjimit në mëngjes. Hulumtimet tregojnë se 7 nga 10 pacientë me kancer të avancuar përjetojnë këto simptoma.
Dhimbjet e kokës janë gjithashtu një simptomë e shpeshtë e tumoreve të trurit dhe shpesh përkeqësohen në mëngjes.
Këto dhimbje mund të jenë të forta dhe të vazhdueshme, duke u intensifikuar me kalimin e ditëve.
Për të monitoruar përhapjen e kancerit, është e rëndësishme që pacientët të konsultohen me mjekët e tyre për çdo simptomë të pazakontë, veçanërisht ato që shfaqen në orët e para të mëngjesit.
