Kërkimi i kujdesit mjekësor në fazat e hershme të kancerit mund të shpëtojë jetë, sipas ekspertëve të Qendrës së Hulumtimeve në Britani të Madhe. Ata theksojnë rëndësinë e identifikimit të simptomave të hershme dhe konsultimit me një mjek për diagnozën dhe trajtimin e duhur. Disa simptoma të zakonshme që mund të jenë shenja të kancerit përfshijnë:
Djersitja natën
Djersitja e tepërt gjatë natës pa ndonjë shkak të dukshëm mund të jetë një shenjë e hershme e kancerit. Ekspertët sugjerojnë që të konsultoheni me mjekun nëse përjetoni djersitje të rënda dhe intensive gjatë natës.
Mavijosje e pashpjegueshme
Mavijosjet që ndodhin pa arsye dhe që shoqërohen me gjakderdhje të pashpjegueshme, si gjakderdhje vaginale, kollë ose të vjella, duhet të shqetësojnë dhe kërkohet një vizitë te mjeku.
Lodhja e pashpjegueshme
Një ndjenjë e vazhdueshme lodhjeje, pa ndonjë arsye të qartë, mund të tregojë probleme të mundshme shëndetësore që duhen hetuar nga një mjek.
Dhimbje të papritura
Dhimbjet që janë të vazhdueshme dhe të pashpjegueshme mund të jenë një sinjal nga trupi se diçka nuk është në rregull. Është e rëndësishme të mos i injoroni këto simptoma.
Humbje e shpejtë e peshës
Një humbje e papritur e peshës pa një arsye të dukshme mund të jetë një simptomë e mundshme e kancerit ose problemeve të tjera shëndetësore. Konsultohuni me mjekun tuaj nëse kjo ndodh.
Gunga dhe ënjtje
Shfaqja e gumave ose ënjtjeve të pashpjegueshme, veçanërisht në zona të tilla si qafa, sqetullat, stomaku, gjoksi, gji ose testikuj, duhet të shqetësojë dhe të kërkoni një vizitë te mjeku për hetim të mëtejshëm.
Pavarësisht se këto simptoma mund të jenë të lidhura me kushte të tjera shëndetësore, është e rëndësishme të konsultoheni me një mjek për çdo shqetësim. Këto simptoma nuk duhet të injorohen, pasi diagnostikimi i hershëm i kancerit mund të bëjë diferencën në trajtim dhe rezultat.
