Aktorja amerikane Cristin Milioti pati një moment të sikletshëm pas ceremonisë së çmimeve Emmy në Los Angeles. Teksa po zbriste nga makina për të marrë pjesë në një festë pas ndarjes së çmimeve, ajo u rrëzua papritur, duke e lënë statujën e saj të çmuar të përfundonte në tokë.
O Zot!
-u dëgjua të thoshte Milioti, ndërsa një zotëri e ndihmoi të ngrihej dhe ia ktheu çmimin Emmy.
Aktorja reagoi me një buzëqeshje, duke thënë:
Faleminderit, mirupafshim!
Milioti u shpall fituese e kategorisë “Aktorja më e Mirë Protagoniste në një Serial të Shkurtër” për rolin e saj si Sofia Falcone në serialin “The Penguin”.
Ajo la pas emra të mëdhenj si Cate Blanchett (“Disclaimer”), Rashida Jones (“Black Mirror”), Michelle Williams (“Dying for Sex”) dhe Meghann Fahy (“Sirens”).
Në fjalimin e saj, aktorja zbuloi se kishte shkruar falënderimet në pjesën e pasme të shënimeve të psikoterapisë:
Është shumë e vështirë të jetosh në botën e sotme. Jam mirënjohëse për të gjitha pikat e ndritshme. Xhirimi i këtij seriali me një kast dhe ekip të jashtëzakonshëm, dhe mundësia për të mishëruar këtë grua, ishte një nga ato pika të ndritshme
Më tej, Milioti falënderoi familjen, kolegët e saj, aktorin Colin Farrell dhe producenten Lauren LeFranc, duke përfunduar fjalimin me thirrjen:
Të dua dhe më pëlqen shumë të aktroj!
Në një intervistë për “Entertainment Tonight”, ajo e përshkroi përvojën si një ndjesi ku “shpirti i doli nga vendi”.
