Këngëtarja e njohur Dafina Zeqiri ka ndarë së fundmi një mesazh me peshë në rrjetet sociale, duke vënë theksin te rëndësia e njohjes së meritave personale.
Përmes një postimi në Instagram, ajo shprehu zhgënjimin e saj ndaj atyre që përvetësojnë arritjet e të tjerëve.
Është shumë e rëndësishme të marrësh kredi për atë që ke kontribuar vetë. Është zhgënjyese kur të tjerët pretendojnë suksesin për punë ku kanë qenë të përfshirë edhe të tjerë, përfshirë edhe mua
– shkroi Dafina, duke bashkangjitur edhe një foto të një mace në formë meme-je.
Postimi i saj u prit me shumë reagime nga fansat, të cilët e përkrahën këngëtaren për guximin dhe sinqeritetin e saj.
