Dafina Zeqiri ka marrë një surprizë tepër të veçantë pas konfirmimit të shtatzënisë së saj të dytë, duke emocionuar fansat me momentin që ndau në rrjetet sociale.
Këngëtarja publikoi në Instagram një dhuratë të ardhur nga fituesja e Big Brother VIP Albania, Selin Bollati, dhe partneri i saj, DJ Gimbo.
Çifti kishte zgjedhur ta surprizonte artisten me një buqetë elegante lulesh dhe një kartolinë plot dashuri, e cila mori menjëherë vëmendjen e ndjekësve.
Mami më cool në qytet!!! Shumë urime edhe shtatzëni të mbarë. Puthe Daskan nga ne dhe kujdesu për veten… shumë dashuri Selin & Gimbo
-shkruhej në mesazhin emocionues.
Surpriza vjen vetëm pak ditë pasi Dafina zbuloi publikisht se është në pritje të fëmijës së saj të dytë. Lajmin e ëmbël ajo e dha gjatë koncertit “Supernova” në Tirana, ku emocionoi publikun duke treguar se djali i saj, Daskani, së shpejti do të bëhet me një motër ose vëlla.
Besnike stilit të saj plot humor dhe energji, këngëtarja nuk i kurseu as batutat në skenë. Ajo tha me shaka se kishte kënduar “vetë e dyta”, ndërsa shtoi se bashkë me partnerin e saj, Kreshnik Gjergji, po krijojnë “një skuadër futbolli”.
Që pas zbulimit të lajmit, fansat dhe miqtë e artistes kanë vërshuar me urime dhe komente pozitive, duke e bërë këtë periudhë edhe më speciale për Dafinën.
