“Hëna e Përgjakur”, një eklips i rrallë hënor, do të dhurojë spektakël në natën e 13-14 marsit 2025. Ky do të jetë eklipsi i parë total hënor që nga viti 2022. Ngjarja do të zgjasë mbi gjashtë orë, ndërsa faza e totalitetit kur Hëna do të marrë një nuancë të kuqërremtë teksa kalon në hijen e Tokës do të zgjasë 65 minuta. Pamjet më të mira priten në Amerikën e Veriut dhe të Jugut, ndërsa pjesë të Evropës, Afrikës dhe Azisë Lindore do të përjetojnë faza të pjesshme të eklipsit në orare të ndryshme.
