Në një mbrëmje të paharrueshme gjatë turneut të saj “It’s Not That Deep” në New York, Demi Lovato surprizoi fansat duke ftuar në skenë bashkëshortin e saj, muzikantin kanadez Jutes, për të interpretuar së bashku këngën “Iris” të Goo Goo Dolls.
Performanca u zhvillua më 24 prill në Madison Square Garden dhe u prit me duartrokitje të zjarrta nga publiku.
Kjo këngë ka një kuptim të veçantë për çiftin, pasi ka qenë një nga të preferuarat e tyre për vite me radhë. Lovato kishte shprehur më parë dëshirën që “Iris” të interpretohej në vallëzimin e saj të parë në dasmën e tyre, e cila u realizua më 25 maj 2025.
LEXO EDHE: Demi Lovato rrëfen betejën me çrregullimin e të ngrënit: “Hyja në dyqan dhe qaja…”
Jutes e përshkroi momentin si “joreal”, duke thënë se ndihej si një skenë nga një film dhe shprehu mirënjohjen për John Rzeznick, këngëtarin e grupit Goo Goo Dolls, për performancën e tij të veçantë në ditën e dasmës së tyre. Nga ana e saj, Lovato e përshkroi momentin si “surreal”.
LEXO EDHE: Ribashkimi që pritej prej vitesh, Selena Gomez mbështet Demi Lovato në turneun e saj!
Çifti bëri publike lidhjen e tyre në gusht 2022, ndërsa në dhjetor 2023 u konfirmua se Jutes i kishte bërë Lovatos propozimin në Los Angeles, në një moment intim dhe privat.
Shiko videon këtu
