Ylli i muzikës pop Demi Lovato ka ndarë detaje të sinqerta mbi rrugëtimin e saj drejt shërimit nga një çrregullim i të ngrënit, duke treguar edhe progresin personal që ka bërë ndër vite.
Në një intervistë të zhvilluar me Eli Rallo në 92nd Street Y në New York City, artistja foli hapur për frymëzimin pas librit të saj të parë të gatimit, “Një pjatë në një kohë: Receta për të gjetur liri me ushqimin”, i cili pritet të publikohet më 31 mars.
Është festive dhe argëtuese. Mendoj se i gjithë ky libër është një festë e asaj se sa larg kam arritur. Më parë hyja në dyqanin ushqimor dhe qaja sepse më kapte shumë ushqimi. Tani, jo vetëm që bëj pazar për veten time, por edhe gatuaj vaktet që përgatis, dhe kjo është një fitore e madhe për mua
-u shpreh Lovato.
Libri përmban mbi 80 receta, nga spageti bolonjeze te pula milaneze me sallatë rukola dhe mish derri i grirë. Ajo kujtoi edhe momentin e parë kur gatuajti me miqtë, duke e përshkruar si një përvojë që i riktheu gëzimin dhe krenarinë.
Sipas saj, qëllimi i këtij libri është të ndihmojë njerëzit që kanë pasur vështirësi me ushqimin apo që nuk ndihen të sigurt në kuzhinë, duke i inkurajuar të hedhin hapat e parë.
Lovato theksoi se gatimi e ka ndihmuar të rilidhet me veten dhe ta shohë ushqimin ndryshe: si një akt dashurie dhe kujdesi ndaj vetes dhe të tjerëve.
