Dimri shpesh lidhet me ushqime të rënda, kalori të larta dhe më pak lëvizje. Por nutricionistët theksojnë se një “dietë dimërore” nuk duhet të jetë domosdoshmërisht e dëmshme për peshën dhe shëndetin, nëse zgjidhen ushqimet e duhura.
Ekspertët e ushqyerjes sugjerojnë që baza e një regjimi të shëndetshëm dimëror të përbëhet nga:
-Supa dhe gjellë me perime sezonale (lakër, brokoli, karota, panxhar)
-Drithëra integrale si tërshëra, elbi, oriz integral
-Burime të mira proteinash si peshku, pula, veza dhe bishtajoret (thjerrëza, qiqra, fasule)
Sipas studimeve, vakti i mëngjesit mbetet kyç gjatë dimrit, pasi ndihmon në kontrollin e urisë gjatë ditës dhe ul dëshirën për ëmbëlsira të tepërta.
Tërshëra me fruta, fara dhe kos është një zgjedhje e rekomanduar shpesh nga dietologët.
Një tjetër këshillë praktike është kufizimi i sheqernave të rafinuara dhe ëmbëlsirave “ngushëlluese”, të cilat japin energji të shpejtë, por çojnë në rënie të menjëhershme dhe shtim në peshë nëse konsumohen rregullisht.
Zëvendësimi i tyre me fruta të thata pa sheqer të shtuar, arra dhe bajame mund të sigurojë energji më të qëndrueshme dhe yndyra të dobishme për zemrën.
