Producenti dhe moguli i muzikës, DJ Khaled, ka sqaruar arsyen pse ka zgjedhur të mos marrë pjesë në konfliktet mes reperëve Drake, Rick Ross dhe Future.
Gjatë një interviste në emisionin “Joe & Jada”, të enjten më 11 shtator, Khaled theksoi se lidhjet e tij me të tre artistët janë të forta dhe se ai nuk ka dëshirë të përfshihet në energji negative.
I dashuroj Drake, Rick Ross dhe Future. Nuk ndjeva se duhet të futesha në atë energji. Ka dy lloje energjie ku nuk futem: urrejtje
-tha ai, duke nënvizuar se nuk e ushqen kurrë negativitetin.
Khaled shtoi se grindjet në industrinë e hip-hop-it shpesh lindin nga keqkuptime dhe probleme komunikimi.
Ai shprehu dëshirën që dashuria dhe respekti mes artistëve të mbizotërojë mbi konfliktet.
Shumë prej këtyre gjërave janë keqkuptime dhe mungesë komunikimi. Kur bëhet fjalë për DJ Khaled, unë do të jem ai që përpiqet t’i rregulloj gjërat
-u shpreh ai, duke e cilësuar marrëdhënien me të tre reperët si “vëllazërore”.
I njohur për bashkëpunimet e shumta me Drake, Future dhe Rick Ross ndër vite, DJ Khaled ka zgjedhur të qëndrojë neutral në këtë situatë, duke mbajtur marrëdhënie të mira me të gjithë.
Ai përfundoi duke theksuar se dëshiron të shohë një pajtim mes tyre:
Do të doja të shuarja grindjen. Respekti dhe dashuria janë gjithmonë rruga e duhur.
Ndërkohë, grindja mes tre reperëve ka marrë vëmendje të madhe në industrinë muzikore, me këngë të publikuara së fundmi që synojnë drejtpërdrejt njëri-tjetrin.
