Ylli ndërkombëtar i muzikës, Dua Lipa, zgjeron aktivitetin e saj duke hyrë në industrinë e fitnesit si bashkëthemeluese dhe drejtuese krijuese e Frame Fitness, një kompani që ofron pilates në shtëpi përmes një makine kompakte “reformatore” me ekran, ku përdoruesit mund të ndjekin klasa sipas kërkesës.
Lipa, e cila është adhuruesja e pilatesit, ishte përdoruese e parë në Evropë që instaloi një Frame reformator në shtëpi.
Ajo thekson rëndësinë e stërvitjes për forcimin e trupit dhe qëndrueshmërinë, veçanërisht gjatë turneut botëror me 37 qytete, ku performon me energji të lartë.
Një bark i fortë është kyç për një shpinë të fortë, dhe kjo më ndihmon të qëndroj në këmbë gjatë orëve të gjata të kërcimit
-tha Lipa në një intervistë për Vogue.
Frame Fitness synon të sjellë përvojën profesionale të pilatesit në shtëpi, duke kombinuar stilin elegant me aksesueshmërinë, dhe përputhet me filozofinë e Lipës për balancim mes disiplinës dhe argëtimit.
