Burime mediatike në Britaninë e Madhe raportojnë se ish-princi Andrew është arrestuar. Vëllait të mbretit Charles iu vunë prangat, siç duket lidhur me përfshirjen e tij në dosjet Epstein, ish-financierit pedofil amerikan.
BBC raportoi se Andrew Mountbatten-Windsor është arrestuar në shtëpinë e tij në Anglinë lindore.
Gazeta britanike Telegraph raporton se policia britanike shkoi në rezidencën e z. Mountbatten-Windsor në Anglinë lindore.
Gjashtë makina policie pa shenja dalluese dhe rreth tetë oficerë me rroba civile u panë duke shkuar në Wood Farm në pronën Sandringham, më herët sot.
Policia e Thames Valley deklaroi më parë në shkurt se po shqyrtonte akuzat se z. Mountbatten-Windsor i kishte kaluar dokumente konfidenciale qeveritare të ndjerit Jeffrey Epstein, sipas dosjeve të publikuara së fundmi.
Mountbatten-Windsor ka mohuar çdo shkelje dhe tha se i vjen keq për miqësinë e tij me Epstein, por nuk u është përgjigjur kërkesave specifike për koment pasi dosjet e fundit u publikuan nga qeveria amerikane.
Policia e Thames Valley nuk dha një koment të menjëhershëm mbi raportimet.
