Unioni Evropian i Broadcasteve (EBU) tregoi se do të injoronte një kërkesë të Spanjës për të diskutuar pjesëmarrjen e Izraelit në konkursin e ardhshëm të këngës në Eurovizion në maj për shkak të luftës së vazhdueshme kundër organizatës terroriste Hamas në Gaza.
“Ne mirëpresim faktin që autoriteti spanjoll i transmetimit konfirmon përkushtimin e tij ndaj konkursit të Eurovizionit dhe vlerësojmë se ka shqetësime dhe opinione të thella rreth konfliktit aktual në Lindjen e Mesme. Të gjithë anëtarët e (EBU) kanë të drejtë të konkurrojnë në Eurovision Song Contest dhe ne jemi në kontakt të vazhdueshëm me pjesëmarrësit e këtij viti, për të gjitha aspektet e një konkursi”, thuhet në deklaratën zyrtare të EBU.
EBU nuk e përmendi në mënyrë eksplicite Izraelin në deklaratën e saj. Megjithatë, transmetuesi publik i Izraelit, Kan, është një anëtar zyrtar i saj. Deklarata nga EBU erdhi si përgjigje ndaj transmetuesit spanjoll, i cili kishte bërë thirrje për një diskutim që synonte të bllokonte pjesëmarrjen e Izraelit në Eurovision Song Contest.
“Besojmë se do të ishte e përshtatshme që EBU të njohë ekzistencën e këtij debati dhe të lehtësojë një hapësirë për reflektim midis transmetuesve anëtarë të EBU mbi pjesëmarrjen e stacionit televiziv publik izraelit Kan,” tha transmetuesi spanjoll.
