Teaser-i i parë i “Shrek 5” ka shkaktuar një valë reagimesh mes fansave, të cilët kanë kritikuar stilin e ri të animacionit. Shumë prej tyre kanë vënë re ndryshime në pamjen e Shrekut, duke përfshirë tipare të modifikuara si buzë më të plota dhe fytyrë të ngritur.
Në teaser, Shrek dhe Gomari shihen duke u parë në pasqyrë, ndërsa Pasqyra Magjike e quajnë Shrekun “më të bukurin nga të gjithë”, duke shfaqur një version më të tonifikuar të tij.
Kritikat online kanë qenë të ashpra, duke krahasuar këtë situatë me polemikën e “Sonic” në vitin 2019, kur dizajni i personazhit u ndryshua pas kritikave të shumta. Fansat e kanë cilësuar këtë ndryshim si një “mosrespektim ndaj stilit origjinal” dhe kanë kërkuar që DreamWorks të rishikojë animacionin.
Në teaser konfirmohet rikthimi i aktorëve të njohur, Mike Myers, Eddie Murphy dhe Cameron Diaz, ndërsa Zendaya do të luajë vajzën adoleshente të Shrekut dhe Fionës.
Pavarësisht polemikave, “Shrek 5” pritet të dalë në dhjetor 2026, si filmi i parë kryesor i ekskluzivitetit pas një periudhe 14-vjeçare. Franciza ka arritur sukses të madh që nga debutimi i saj në vitin 2001, duke grumbulluar mbi 2.9 miliardë dollarë globalisht nga katër filmat e parë.
