Google po prezanton një funksion të ri të shfletuesit Chrome për përdoruesit e Android dhe desktop, i cili automatikisht çaktivizon njoftimet për faqet e internetit që ata tashmë po i injorojnë. Funksioni i Kontrollit të Sigurisë i Chrome tashmë ofron funksionalitet të ngjashëm për lejet e aksesit në kamera dhe gjurmimin e vendndodhjes. Ky funksion i ri i anulimit automatik bazohet në një funksion të ngjashëm të Android që tashmë ua bën të lehtë përdoruesve të Chrome të “çaktivizojnë” njoftimet për faqet e internetit që nuk janë të interesuar me një prekje të vetme.
Funksioni nuk çaktivizon njoftimet për asnjë aplikacion web të instaluar në pajisje dhe lejet do të çaktivizohen vetëm për faqet e internetit që dërgojnë shumë njoftime me të cilat përdoruesit rrallë ndërveprojnë. Më pak se një përqind e të gjitha njoftimeve web në Chrome aktualisht marrin ndonjë ndërveprim nga përdoruesit, sipas Google, gjë që shpesh i bën ato më shumë shpërqendruese sesa të dobishme.
Ndërkaq, Google ka prezantuar versionin e ri të asistentit të tij virtual, “Gemini for Home”, i cili premton ndërveprim më natyral dhe më inteligjent me përdoruesit. Asistenti i përmirësuar mund të ndihmojë në detyra të përditshme si kontrollimi i makinës larëse të enëve, zbulimi i orës kur fëmijët kanë fjetur apo nëse dera e makinës ka mbetur hapur.
“Gemini for Home” do të zëvendësojë Google Assistant në pajisjet e zgjuara si altoparlantët, kamerat dhe zile elektronike të reja. Sipas kompanisë, Gemini ofron dhjetë zëra të rinj më natyralë dhe ruan kontekstin e bisedës për komunikim më të rrjedhshëm. Google theksoi se tashmë nuk do të nevojiten “komanda të ngurta”, por biseda të ngjashme me ato njerëzore. Përmes këtij përditësimi, kompania synon ta bëjë jetën në shtëpi më të thjeshtë.
