Një kamionçinë elektrike Ram me një kapacitet deri në 800 kilometra, me një karikim të plotë dhe një SUV Kia janë ndër automjetet e reja që do të prezantohen të mërkurën në panairin ndërkombëtar të automjeteve në Nju Jork. Sipas mediave të huaja, dy debutimet në Nju Jork janë ndër vetëm nëntë të prodhuesve të automjeteve, shumë më pak se vitet e mëparshme.
Shumë nga modelet e reja janë shfaqur më parë pasi prodhuesit e automjeteve po largohen nga shfaqjet e makinave dhe prezantojnë produkte të reja virtualisht. Ram 1500 Rev i bashkohet kamionçinës nga Ford, General Motors, Rivian dhe Lordstown Motors.
Listës i bashkohet edhe Tesla që supozohet të fillojë të shesë Cybertruck-un e saj të shumëpritur. Kjo makinë do të vijë me një zgjedhje prej dy paketash baterish, atë standarde me rreze deri në 560 kilometra dhe një paketë opsionale më të madhe me një rreze të pritshme prej 800 kilometra.
Kamionçina me 654 kuaj fuqi gjithashtu mund të udhëtojë nga zero në 97 kilometra në orë në 4.4 sekonda, jashtëzakonisht i shpejtë për një automjet të asaj madhësie. Kamionçina gjithashtu është e aftë të ofrojë energji për mjetet e vendit të punës, të dërgojë energjinë përsëri në rrjet ose të furnizojë një shtëpi gjatë një ndërprerjeje.
