Një studim i ri shkencor ka zbuluar se aminoacidi cisteinë mund të luajë një rol kyç në procesin e humbjes së peshës, duke ndikuar drejtpërdrejt në mekanizmat metabolikë të trupit.
Sipas hulumtimit të realizuar nga një ekip amerikan, kufizimi i cisteinës favorizon shndërrimin e yndyrës së bardhë në yndyrë kafe, e cila shpenzon energji dhe prodhon nxehtësi, duke aktivizuar kështu një proces natyral të djegies së kalorive.
Eksperimentet tek minjtë treguan se individët që nuk prodhonin cisteinë humbën deri në 30% të peshës brenda një jave, krahasuar me ata që vazhdonin të merrnin aminoacidin.
Analiza e të dhënave nga 238 persona pjesëmarrës në një program kufizimi kalorik tregoi një lidhje të ngjashme edhe tek njerëzit.
Sipas Christian Stadler, inxhinier biomjekësor në Qendrën e Kërkimeve Biomjekësore Pennington, efektiviteti i dietave mund të shpjegohet jo vetëm me uljen e kalorive, por edhe me reduktimin e cisteinës.
Megjithatë, ekspertët paralajmërojnë se heqja e plotë e cisteinës është e rrezikshme, pasi ajo është thelbësore për funksionet biologjike dhe ekuilibrin e trupit.
Ky zbulim hap horizonte të reja për menaxhimin e peshës, por nënvizon nevojën për një qasje të kujdesshme dhe të balancuar.
