Izraeli, i cili tashmë kishte një këngë dhe do të konkurronte, ka zbuluar arsyet pse nuk do të marrë pjesë në “Eurovision 2022”. Pas shpalljes së 40 artistëve dhe këngëve që do të shfaqen në Eurovizion 2022 në skenën e Torinos të Italisë, në maj, Izraeli, i cili kishte zgjedhur Michael Ben David për të kënduar një këngë të titulluar “I.M.” ka njoftuar se po tërhiqet nga eventi madhështor.
Due to the strike by the Foreign Ministry, the GSS can not handle the Israeli delegation to the Eurovision Song Contest, and as of this moment, the Israeli delegation will not participate in the 2022 #Eurovision Song Contest in Turin. https://t.co/wyFyisPOTE
— Eurovision & Whatever (@ESCandWhatever) April 12, 2022
Transmetuesi publik i Izraelit IPBC konfirmoi të martën më 12 prill se nuk planifikon të hyjë në Eurovision 2022 sepse nuk mund të garantojë mbrojtjen e delegacionit të tij. Deklarata zyrtare nga Izraeli ishte konkretisht:
Punonjësit e GSS, shërbimi i sigurisë së Izraelit, janë aktualisht në grevë dhe për këtë arsye nuk do të ofrojnë mbrojtje për përfaqësuesin dhe shoqëruesit e tij për udhëtimin në Torino. Ne nuk mund të marrim përgjegjësi për sigurinë e delegacionit nëse nuk ka siguri në emër të shtetit të Izraelit.
Lajmi pason një vit kontrovers plot dramë për Eurovizionin, me Benidorm Fest të Spanjës dhe fitoren e shumë debatuar të artistit “Chanel”, përjashtimi i Rusisë nga konkursi pas krizës në Ukrainë dhe konkurrentja e Ukrainës Alina Pash u largua nga konkursi për shkak të përkatësive të saj të supozuara pro-ruse.
Ia vlen të theksojmë se “Sekret”, kënga fituese në Festivalin e 60-të të Këngës në Radio Televizionin Shqiptar, e cila do të përfaqësojë Shqipërinë në Festivalin e Eurovizionit, është kthyer në një himn të këtyre ditëve. Ronela Hajati ka vendosur një rekord përfaqësimi në klasifikimin e Shkurtit në Eurovizion duke ngritur pritshmëritë në eventin që do të mbahet mes 10 dhe 14 Majit në Torino të Italisë.
