Javier Bardem ka treguar se transformimi i tij i madh fizik për serialin psikologjik “Cape Fear” nuk e shqetësoi aspak bashkëshorten e tij, aktoren Penelope Cruz.
Për t’i dhënë jetë personazhit të Max Cady, aktorit spanjoll iu desh të ndryshonte tërësisht pamjen.
Ai lyu flokët, vendosi lente kontakti jeshile dhe mbajti tatuazhe, duke krijuar një paraqitje krejt ndryshe nga ajo me të cilën publiku është mësuar.
Megjithatë, sipas Bardem, Cruz e përjetoi këtë transformim me shumë natyrshmëri.
Ajo është mësuar pak a shumë me këtë. Kjo është ajo që bëjmë ne. Portretizimi i personazhit negativ Max Cady ishte si një lojë. Është diçka që do ta luash për pesë muaj dhe duhet të ndihesh rehat. Është e gjitha një lojë
-u shpreh ai.
Aktori shtoi se interpretimi i një personazhi kaq kompleks i dha mundësinë të eksperimentonte me shumë aspekte të aktrimit.
Ke kaq shumë ngjyra për të luajtur dhe është kënaqësi të punosh me to
-tha Bardem.
Në serialin “Cape Fear”, ai ndan ekranin me Amy Adams, Patrick Wilson, Joe Anders, Lily Collias, Malia Pyles dhe CCH Pounder.
Gjatë intervistës, fituesi i çmimit Oscar foli me shumë dashuri edhe për Penelope Cruz, me të cilën është i martuar prej vitesh.
Ajo është një qenie njerëzore e bukur dhe e mirë. Jam me fat që jeta na solli në të njëjtin vend dhe në të njëjtën kohë. Kanë kaluar shumë vite dhe nuk kam parë asnjë gjurmë ligësie tek ajo
-u shpreh aktori.
Deklarata e Bardem u prit me interes nga fansat, të cilët prej kohësh e konsiderojnë marrëdhënien e tij me Penelope Cruz si një nga historitë më të qëndrueshme dhe më të dashura të Hollywood-it.
