Qeni i një familjeje nga Oklahoma fitoi një Rekord Botëror Guinness kur gjuha e tij u mat në 19 centimetra. Ozzy fitoi zyrtarisht titullin e gjuhës më të gjatë në një qen të gjallë , kur gjatësia e muskulit të gojës së tij u konfirmua se kishte tejkaluar atë të qenit Rocky nga Bloomington, Ilino, gjuha e të cilit u mat në 13 centimetra në vitin 2023.
“Ai gjithmonë ka pasur një gjuhë që i del nga goja, që kur ka lindur”, tha pronarja e tij, Angela Pick. “Por nuk ka asgjë të gabuar nga ana mjekësore me të, e kemi vizituar disa herë një veteriner dhe nuk ka probleme dentare apo ndonjë gjë të tillë, është thjesht anormalisht, çuditërisht e gjatë.”
Ndërkaq, gruaja nga Kalifornia me gjuhën më të gjatë në botë’ 9.6 centimetra tregoi disa nga truket që mund të kryejë me muskujt e saj masiv të gojës, duke përfshirë heqjen e tullave Jenga. Chanel Tapper, 34-vjeçe e cila ka mbajtur rekordin Guinness për gjuhën më të gjatë (femër) që nga viti 2010, tha se gjuha e saj i jep një sërë reagimesh.
“Sinqerisht, reagimi më i mirë që mund të marr ndonjëherë kur dikush sheh gjuhën time është duke bërtitur. Në fakt më pëlqen kur njerëzit bërtasin të tronditur ose të tmerruar ndonjëherë por kjo është ndoshta e preferuara ime sepse është qesharake për mua.” Tapper tregoi disa nga truket që ka mësuar të kryejë me gjuhën e saj, duke përfshirë heqjen e tullave të Jenga, rrokullisjen e gotave plastike dhe mbajtjen e një luge. Gruaja tha se të qenit mbajtëse e rekordeve Guinness i ka dhënë asaj disa mundësi të papritura, duke përfshirë paraqitjen në një fushatë reklamuese për markën italiane të modës Diesel.
