Një shtetas italian u arrestua në Rinas, gjatë tentativës për të hyrë në Shqipëri, pasi rezulton në kërkim nga autoritetet e Francës. Në pranga ra një 61 vjeçar. Më 2024-ën, Gjykata e Parisit e ka dënuar me 2 vjet burg për mashtrim të kryer në kuadër të një grupi të strukturuar kriminal dhe për pastrim të produkteve të veprimtarisë kriminale. Interpol Tirana po bashkëpunon me homologët në Francë për ta ekstraduar.
Në pranga ka rënë shtetasi italian V.C., 61 vjeç. Sipas verifikimeve, Gjykata e Parisit e ka dënuar atë në vitin 2024 me 2 vjet burg për mashtrim të kryer në kuadër të një grupi të strukturuar kriminal dhe për pastrim të produkteve të veprimtarisë kriminale.
Nga hetimet rezulton se gjatë vitit 2009 ai ishte pjesë e një zinxhiri tregtarësh që kryenin transaksione mes disa kompanive franceze duke shmangur pagesën e TVSh-së. Përmes kësaj skeme dyshohet se i është shkaktuar shtetit francez një dëm prej rreth 2.5 milionë eurosh.
Autoritetet kanë konstatuar gjithashtu se 61-vjeçari ka pastruar fitimet e përfituara nga kjo veprimtari kriminale.
Interpol Tirana po bashkëpunon me homologët në Francë për të finalizuar procedurat për ekstradimin e tij.
