Familja Kardashian tërhoqi vëmendjen e të gjithëve teksa mbërriti në Venecia të enjten, në prag të dasmës madhështore të Jeff Bezos dhe Lauren Sanchez, e cila pritet të kushtojë rreth 20 milionë dollarë.
Kim Kardashian, e cila pak ditë më parë ishte në Paris me Lauren gjatë festës së beqarisë së saj, u shfaq me një look elegant dhe të guximshëm.
Ajo kishte veshur një bluzë të shkurtër, të kombinuar me një fund të gjatë e të ngushtë me teksturë të rrudhur, ndërsa pamjen e plotësoi me çizme me motive lëkure gjarpri dhe syze të mëdha dielli.
Një bluzë e zezë me kapuç, e hedhur lirshëm mbi shpatulla, i shtonte një prekje të papritur veshjes.
Në krah të saj ishte Khloe Kardashian, e veshur me një kostum me print leopardi, pjesë e koleksionit të Kim në bashkëpunim me “SKIMS” dhe “Dolce & Gabbana”, që nxirrte në pah linjat e saj të njohura.
Motrat u shoqëruan nga Kris Jenner, nëna e tyre dhe menaxherja e famshme, e cila kishte zgjedhur një fustan të zi me dekolte të hapur, që theksonte elegancën dhe stilin e saj.
Ndërkohë, në një tjetër pjesë të qytetit, çifti i famshëm Jeff Bezos dhe Lauren Sanchez u panë duke dalë nga hoteli, vetëm një ditë para dasmës së tyre ekstravagante.
Të buzëqeshur dhe në humor të mirë, ata dukeshin të gatshëm për të mirëpritur të ftuarit e tyre VIP.
Pak më vonë, edhe Oprah Winfrey u pa teksa mbërrinte në mënyrë më të përmbajtur, me një bluzë të bardhë me teksturë dhe pantallona të kombinuara, duke ruajtur stilin e saj klasik dhe të thjeshtë.
