Historia e dashurisë mes ASAP Rocky-t dhe Rihannës mund të mos ketë nisur me dashuri me shikim të parë, por sipas reperit, dikush e kishte parë këtë lidhje shumë përpara se ajo të bëhej realitet: nëna e tij.
Që kur të dy ishin thjesht miq, ajo ishte e bindur se ata ishin të destinuar për njëri-tjetrin dhe nuk ngurroi t’ia thoshte hapur të birit.
Në një intervistë për podkastin e New York Times, artisti i nominuar për Grammy ka rrëfyer fillimet e marrëdhënies së tij me yllin nga Barbadosi, me të cilën është në lidhje që prej vitit 2019 dhe me të cilën ka tre fëmijë.
Nëna ime më thoshte gjithmonë: ‘E di që të pëlqen kjo vajzë me të cilën je tani, por dua që të jesh me RiRi-n’
-tregoi ASAP Rocky, 37 vjeç.
Unë i përgjigjesha: ‘Mami, pse vazhdon ta thuash këtë? Ajo as nuk më sheh ashtu. Është thjesht shoqja ime’
-shtoi ai me humor.
Kimia mes tyre u vu re për herë të parë në fillim të viteve 2010, kur ASAP Rocky u shfaq në remiksin e këngës “Cockiness (Love It)” në vitin 2012.
Performanca e tyre provokuese në MTV Video Music Awards i bëri fansat të flisnin, ndërsa një vit më vonë Rihanna u shfaq edhe në videoklipin “Fashion Killa”. Më pas, ajo e zgjodhi reperin si artist hapës në turneun e saj botëror Diamonds.
Megjithatë, pavarësisht afërsisë dhe bashkëpunimeve të shumta, lidhja romantike nuk erdhi menjëherë. Ishte pikërisht nëna e ASAP Rocky-t, Reena “Renee” Black, ajo që e shtyu të mendonte më seriozisht për Rihannën.
Nënat e dinë gjithmonë më mirë
-tha ai me shaka, duke shtuar se e ëma e kishte përshkruar këngëtaren si “të vërtetë”.
Ajo ka qenë gjithmonë e dashura ime
-pranoi reperi.
Jam mirënjohës që hyri në jetën time pikërisht në atë moment. Nuk mendoj se isha gati më herët, dhe as ajo.
Çifti nisi zyrtarisht lidhjen në fund të vitit 2019, pas ndarjes së Rihannës nga biznesmeni saudit Hassan Jamil.
Është sikur jemi në të njëjtën frekuencë
-tregoi ASAP Rocky.
Kemi lindur në të njëjtin vit, babai im është nga vendi i saj, dhe kur shkoj atje, ndjej lidhjen familjare. Ka aq shumë ngjashmëri mes nesh sa ndonjëherë duket qesharake.
Një këshillë e thjeshtë nëne, e dhënë vite më parë, rezultoi të ishte parashikimi i një prej historive më të famshme të dashurisë në botën e muzikës.
