Khloé Kardashian ka bërë një rrëfim të papritur dhe mjaft të sinqertë gjatë premierës së sezonit të shtatë të serialit “The Kardashians”, duke folur hapur për jetën e saj private dhe periudhën e gjatë të beqarisë.
Në një bisedë me Simon Huck, i cili po fliste për fushatën e re të markës “Lemme” me Julia Fox – e njohur për deklaratën se nuk ka bërë seks prej katër vitesh – Khloé reagoi duke rrëfyer se edhe ajo ka kaluar një periudhë të ngjashme.
Unë nuk kam bërë seks për më shumë se tre vjet
-tha 40-vjeçarja me qetësi, duke befasuar Simonin, i cili nuk mundi ta fshihte tronditjen.
Vërtet nuk po del me askënd, Khloé? Nuk është askush në listën tënde?
-e pyeti ai i habitur.
“Jo,” u përgjigj ajo prerë, duke shtuar se nuk po komunikon me askënd as në mënyrë private.
Nuk kam numrin e telefonit të askujt. Nuk po i dërgoj mesazh askujt.
Producentët e serialit më pas pyetën motrën e saj, Kourtney Kardashian, për mendimin që kishte rreth zgjedhjes së Khloé-s për të qëndruar e vetme.
Mendoj se kur ke fëmijë të vegjël, nëse nuk ka askënd që ia vlen kohën tënde, përqendrohu te fëmijët e tu
-tha Kourtney, duke mbështetur publikisht motrën e saj.
Gjatë episodit, Khloé dha edhe një përditësim për jetën e saj personale, duke shtuar se ndjehet më mirë se kurrë:
Më pëlqen të jem 40 vjeç. Është një ndjesi fantastike. Jam shumë e qetë me veten dhe e emocionuar për këtë fazë të jetës sime.
Ky rrëfim i hapur ka bërë bujë në rrjetet sociale, ku fansat kanë përgëzuar Khloé-n për sinqeritetin dhe vendosmërinë për të vënë mirëqenien dhe fëmijët e saj përpara gjithçkaje tjetër.
