Ditëlindja e 45-të e Kim Kardashian nuk kaloi pa surpriza – dhe këtë herë, fajin e kishte torta.
Në një video që u bë menjëherë virale në rrjetet sociale, themeluesja e SKIMS shihet duke u përkulur për të shuar qirinjtë, por përpjekja nuk shkon siç duhet.
Flakët nuk shuhen dhe Kim përpiqet disa herë mes të qeshurave të miqve, përpara se të dorëzohet me një buzëqeshje.
E lindur më 21 tetor 1980 në Los Angeles, ylli i reality show-t festoi këtë javë ditëlindjen e saj të 45-të e rrethuar nga familja dhe miqtë më të afërt.
Pavarësisht incidentit me tortën, Kim shkëlqeu në mbrëmje, duke e mbyllur një vit tjetër të suksesshëm për perandorinë e saj të modës dhe bukurisë.
Pamjet nga festa u shpërndanë gjerësisht në rrjet, me fansat që komentuan me humor se “edhe qirinjtë nuk duan të shuhen për Kim-in”.
Të tjerë e quajtën momentin “shumë tipik Kardashian” – një kombinim i elegancës, kaosit dhe magnetizmit që e ka bërë Kim-in një nga figurat më të ndjekura në botë.
Që nga debutimi në “Keeping Up with the Kardashians” në vitin 2007, Kim Kardashian ka ndërtuar një markë globale që kthen çdo episod të jetës së saj në lajm viral – dhe kësaj radhe, edhe torta e ditëlindjes nuk bëri përjashtim.
