Tensionet po shtohen në shtëpinë e Big Brother VIP Albania, ku banorët Rozana, Gjesti, G Bani dhe Klajdi po kalojnë periudhë izolimi në kushte të vështira.
Së fundmi, një debat i ashpër shpërtheu mes Klajdit dhe Rozanës pas një akuze që ky i fundit i drejtoi këngëtares.
Çdo gjë filloi kur Rozana e pyeti drejtpërdrejt Klajdin për deklaratat që ai kishte bërë, ku e akuzonte për performanca “playback”.
Pse e mendon këtë?
– e pyeti ajo, duke kërkuar një përgjigje të saktë nga ai.
Për të shtuar më shumë tensionin, Gjesti ndërhyri me një koment ironik:
Këndon live ti a? Pse po rren?
– një shprehje që shkaktoi të qeshura mes banorëve, por gjithashtu ndezi atmosferën.
Megjithatë, në faktet e njohura, Rozana Radi është një emër i njohur në industrinë e muzikës shqiptare, me një karrierë të pasur dhe të suksesshme.
Ajo ka fituar dy herë festivalin “Kënga Magjike” dhe ka qenë gjithmonë e angazhuar në performanca live.
Po ashtu, Rozana është edhe një tekstshkruese e njohur, me disa krijime që kanë lënë gjurmë në muzikën shqiptare.
Ky debat ngre dyshime nëse ishte kjo një përpjekje e Klajdit për të provokuar Rozanën apo ai kishte një bindje personale për këtë çështje? Të shohim çfarë do të ndodhi në vazhdim, pasi atmosfera në shtëpi duket se do të bëhet edhe më e tensionuar në episodet e ardhshme të Big Brother VIP Albania.
