Ylli i reality show-t dhe menaxherja e njohur, Kris Jenner, ka festuar 70-vjetorin e lindjes me një mbrëmje madhështore në Beverly Hills, që u kthye në një nga ngjarjet më të komentuara të javës.
Sipas mediave amerikane, festa u mbajt në vilën luksoze të miliarderit Jeff Bezos dhe partneres së tij, Lauren Sanchez, një pronë me vlerë rreth 165 milionë dollarë.
Për këtë rast të veçantë, Kris kishte zgjedhur një fustan elegant të kuq pa rripa, të zbukuruar me rrudha dhe të kombinuar me doreza të zeza të gjata.
Ajo kishte ngritur flokët në një topuz klasik, duke reflektuar elegancë dhe sofistikim.
Ngjarja mblodhi një listë mbresëlënëse të të ftuarve nga fusha të ndryshme të botës së artit, teknologjisë dhe biznesit.
Të pranishëm ishin Bill Gates, Mark Zuckerberg, Meghan Markle dhe Princi Harry, të cilët tërhoqën vëmendjen me paraqitjen e tyre elegante.
Harry u shfaq me një smoking të zi klasik, ndërsa Meghan me një fustan të gjatë të zi minimalist, që theksonte thjeshtësinë dhe hijeshinë e saj.
Nga ana tjetër, Kim Kardashian spikati me një fustan mbretëror ngjyrë vjollcë me shpinë të hapur, duke qenë në qendër të vëmendjes gjatë gjithë mbrëmjes.
Festa luksoze u pasurua edhe me praninë e shumë figurave të njohura si Oprah Winfrey, Adele, Mariah Carey, Justin Bieber, Snoop Dogg, Chris Rock, Naomi Watts, Sarah Paulson, Tommy Hilfiger, Nicky dhe Kathy Hilton, Selma Blair, will.i.am dhe Martha Stewart.
Mediat e huaja raportojnë se nata ishte një përzierje perfekte e muzikës, elegancës dhe nostalgjisë, që i dha Kris Jenner-it një përvjetor të paharrueshëm, si një ikonë e vërtetë e showbiz-it amerikan.
