Lady Gaga është shfaqur në një dalje romantike me të fejuarin e saj, Michael Polansky, në West Hollywood, vetëm pak kohë pasi Liza Minnelli e kritikoi publikisht për sjelljen e saj gjatë ceremonisë së Oscars të vitit 2022.
Këngëtarja 39-vjeçare dhe partneri i saj 42-vjeçar u panë duke dalë nga klubi ekskluziv Soho House pas një darke, në një moment pushimi nga turneu i saj muzikor që ka nisur që prej verës së kaluar.
Gaga u shfaq me stilin e saj karakteristik në të zeza, me një veshje elegante gotike që theksonte linjat e saj, ndërsa Polansky kishte zgjedhur një paraqitje më të thjeshtë.
Dalja e çiftit vjen pasi në një fragment të autobiografisë së saj të ardhshme, Minnelli pretendon se Gaga kishte insistuar që ajo të përdorte një karrige me rrota gjatë prezantimit të çmimit për Filmin më të Mirë në ceremoninë e vitit 2022.
Artistja legjendare u shpreh se ishte ndjerë e lënduar dhe e trajtuar në mënyrë të papërshtatshme gjatë atij momenti.
Deri më tani, Gaga nuk ka reaguar publikisht ndaj këtyre deklaratave.
Ndërkohë, këngëtarja vazhdon sukseset në karrierë dhe jetën personale. Ajo dhe Polansky janë të fejuar që nga prilli i vitit 2024 dhe kanë deklaruar se po diskutojnë vazhdimisht për planet e martesës, ndërsa artistja ka shprehur edhe dëshirën për të krijuar familje në të ardhmen.
Pas pushimit të shkurtër, Gaga pritet të rikthehet në skenë me koncertet e radhës të turneut të saj, i cili do të përfundojë në muajt e ardhshëm.
